Segurako Udalak, euskara ikasteko herritarrei dirulaguntzak ematen dizkie, beti ere, euskararen udal ordenantzan jasotako irizpideak jarraituz:
Euskalduntzeko eta euskaraz alfabetatzeko ikastaroak.
Euskara ikasteko, euskaraz alfabetatzeko, EGA ateratzeko edo euskararen jakintzan sakontzeko ikastaroek jasoko dituzte laguntzak. Ikastaro horiek HABE-k homologatutako edozein euskaltegik emandakoak izango dira.
Euskalduntze eta alfabetatze ikastaroetara joaten direnei, ordaindu dutenaren %75a itzuliko die Udalak, baldintza hauek betez gero:
- Seguran erroldatua egotea (ikastaroa hasi baino urtebete lehenagotik). Horrela izan beharko da ikastaroak irauten duen epe guztian. Hori horrela ez balitz, hurrengo ikasturtean berriro izena emateko konpromisoa hartzea baldintza modura onartuko da. Bietakoren bat betetzen ez bada, laguntza jasotzeko eskubidea galduko da.
- %80ko asistentzia izatea.
- Beste inongo erakundetatik diru laguntzarik ez jasotzea. (Beste nonbaitetik diru-laguntza jaso izanez gero, diferentzia ordainduko dio Udalak).
- Udalak, urtero erabakiko du zenbat diru bideratuko duen horretarako. Eskatzaile guztien artean kopuru hori gaindituz gero, zatitu egingo da eta proportzioan emango zaie diru laguntza.
Ordainketak banku transferentzia bidez edo txeke bidez egingo dira. Tramitazioak prozedura hau jarraituko du:
- Laguntza eskaera egitea.
- Komisioaren lehendakariaren txostena.
- Komisioaren proposamena.
- Gobernu Batzordearen erabakia
Eskatzaile bakoitzak eskaera bakarra egin beharko du, eskaera orria betez (beheran aurkituko duzu). Eta honekin batera aurkeztu beharreko dokumentuak:
- Eskatzailearen Nortasun Agiriaren fotokopia.
- Matrikula ordaindu izanaren agiriak
- %80 asistentzia, behintzat, izan duela frogatzen duen agiria. Eskolak eman dituen zentroak emandakoa izango da agiri hau
Eskaerak aurkezteko azken eguna irailaren 30a izango da.