SEGURAko UDALA
SEGURAko UDALA

Sailak

Euskara ikastaroak eta dirulaguntzak

Segurako Udalean eta udalerrian euskararen erabilera sustatzeko eta normalizazioa bermatzeko udal-ordenantzaren 14. artikuluak honako hau dio:

“14. artikulua. Euskalduntzeko eta euskaraz alfabetatzeko ikastaroak.

Euskara ikasteko, euskaraz alfabetatzeko, C1 maila edo EGA ateratzeko, C2 maila,  edo euskararen jakintzan sakontzeko ikastaroek jasoko dituzte laguntzak. Ikastaro horiek HABE-k homologatutako edozein euskaltegik emandakoak izango dira.

Dirulaguntzaren zenbatekoa:

1.   Honako irizpie hauek erabiliko dira dirulaguntzaren zenbatekoa kalkulatzeko, Hizkuntzen Europako Erreferentzia Markoari erreparatuz:

-        A1, A2, B1, B2 mailak: kostuaren % 100eko dirulaguntza, 600 euroko gehienezko mugarekin.

-        C1 maila: dirulaguntza 500 euro gehienezko mugarekin.

-        C2 maila: dirulaguntza 400 euroko gehienezko mugarekin.

Dirulaguntzak eman ahal izateko ezinbestekoa izango da haiek ematea erabakitzen den unean kreditu egoki eta nahikoa egotea Segurako Udalaren aurrekontuetan. Halaber, eskatzaileen kopuruaren arabera banatuko da eta diru kantitateek aldaketak izan ditzakete.

2. HABEko dirulaguntzak jasotzeko baldintzak betetzen dituzten ikasleek, lehenik han eskatu beharko dute dirulaguntza, ebazpena jaso ondoren ezezkoa balitz eta Segurako Udaletxean dirulaguntza jasotzeko baldintzak bete ezkero, Segurako Udaletxean eskatu ahal izango dute.

3. Dirulaguntzen zenbatekoa ezingo da inoiz izan ikastaroaren edo jardueraren kostua baino handiagoa.

4. Bekak eskatzeko aukera izango dute ondorengo ezaugarriak betetzen dituztenek:

o   Diru-sarrerak Bermatzeko Errenta jasotzea.

o   Errenta aitorpena egitetik salbuetsita egotea.

o   Udaleko Gizarte Zerbitzuen txosten batek eskatzailearen egoera zaurgarria baieztatzea.

Dirulaguntza jasotzeko bete beharreko baldintzak:

·        Seguran erroldatua egotea.

·        Gutxienez %80 asistentzia-maila izatea. Asistentzia zenbatzean, ez dira hutsegite gisa hartuko honako kasu hauek:

o   Lanagatik (enpresaren ziurtagiria aurkeztu beharko du)

o   Gaixotasuna (mediku-ziurtagiria aurkeztu beharko du)

o   Haurdunaldiagatik atsedena behar izatea (mediku-ziurtagiria aurkeztu beharko du)

·        Dirulaguntzak jasotzeko inolako debekurik ez izatea.

·        Beste nonbaitetik dirulaguntza jaso ezkero, agiria aurkeztu beharko du eta Segurako Udaletik diferentzia jasotzeko eskubidea izango du.

Udalak, urtero erabakiko du zenbat diru bideratuko duen horretarako. Eskatzaile guztien artean kopuru hori gaindituz gero, prorrateatu egingo da eta proportzioan emango zaie dirulaguntza.

Ordainketak banku transferentzia bidez edo txeke bidez egingo dira. Tramitazioak prozedura hau jarraituko du:

Tramitazioak prozedura hau jarraituko du:

·        Prozeduraren instrukzioa Kultura sailari dagokio.

·        Kultura sailak aztertuko ditu eskabideak, eta haiek baloratzeko txostena egingo du. Proposamen horretan zehaztuko du egindako ebaluazioaren emaitza, eta organo eskudunari helaraziko dio, onar dezan.

·        Alkateak izango du oinarri hauetan jasotako dirulaguntza ematea ebazteko eskumena.

·        Alkate Dekretua egin ondorengo hilabetean egingo da dirulaguntzaren ordainketa interesdunak emandako kontu korrontera banku-transferentzia eginez.

·        Beka eskaeren kasuan, ikastaroaren kostuaren zenbatekoaren %90, erabakia hartu eta 15 eguneko epean ordainduko da. %10 bekaz lagundutako jarduera amaitzean eta onuradunak justifikatu duenean eskaturiko dokumentazioa.

Dirulaguntza eskaera aurkezteko bete beharreko dokumentazioa eta epea:

Eskatzaile bakoitzak eskaera bakarra egin ahalko du eta ondorengo dokumentazioa aurkeztu beharko du:

·        Eskabide inprimakia, eredu normalizatuaren arabera behar bezala beteta. Segurako udaleko kultura sailean eskuratuko da edo www.segura.eus atarian.

·        NANaren fotokopia

·        Euskaltegiaren ziurtagiria, ikasturteari buruzko informazio honekin:

Eskatzailea zein mailatan hasi zen eta zein maila egiaztatu duen.

Asistentzia zenbatekoa izan den, ehunekotan.

           Ikasleak zer zenbateko ordaindu duen ikastaroagatik.

           Ikaslearen aprobetxamendua nolakoa izan den.

·        Kontu korrontearen titulartasun-ziurtagiria.

·        Zinpeko aitorpena, diru-sarrerak jaso dituela eta zenbatekoa, edo jaso ez dituela jasoko duena.

·        Dirulaguntzak ikasturtea amaitzean eskatuko dira eta aurretik esan bezala HABEtik jasotzeko aukera dutenek lehenik han eskatu beharko dute. Epea azaroaren 30 artekoa izango da.

·        Beka eskaeren kasuan, matrikula ordaintzeko arazoak dituztenek eta aurretik aipaturiko agiriak aurkeztuz gero, ikasturte hasieran eskatuko dute eta ikasturtea amaitzean dirulaguntza jasotzeko dokumentazioa aurkeztu beharko dute.